Sonetti romagnoli/Zitti

[ 116 ]

ZITTI

Mo l’ è un bell’ intaress, sgnora Marietta,
Cun st’ al vigliachi d’ tass ch’ an, cala mai!
Cussa pretendi donca st’ al canai?
In è cuntent d’ aves cazzè in buletta ?

Aven una miseria maladetta
E lò i vo d’ i quatren. Mo cuss’ an fai
Tott sti cumendatur d’ i mi sunai?
A si zughi a taiè, porca paletta?

Lì la rid; mo mè, sgnora, a degh da bon
E s’ as truven parecc d’ e’ mí pinsir,
Cracch! il ha da paghè, massa d’ birbon!

Credla ch’ ui voia tant andè in quartir
Ciapé in t’ i scciopp e dei una lezion....
Zitti, ch’ e’ passa du carabinir!