Sonetti romagnoli/Tetol!

[ 156 ]

TETOL!

— «Al sal sgnor Cavalir?» — «Coss’ è suzzesto?» —
— «I fradel Devid i’ ha stampé un luneri.» —
— «Cossa m’ in frega mè di tutto questo?» —
— «L’ è ch’ l’ ha un tetol un pó.... straurdineri!» —

— «Poh! Coss’ el? un nomaccio disonesto?» —
— «Za» — «Chi l’ ha fatt?» — «I solit temereri.» —
— «Ah, quii ch’ i l’ ha con noi, sotto pretesto
Ch’ a sen brigant?» — «Sgnor se» — «Buia d’ sicheri,

E il nome, s’ pol savè?» — «L’ hoja da di?» —
— «Dite!» — «L’ Esan» — «Ah, sangua d’ la.... padela!»
— «Ohi, Ohi! cuss’ hal? cuss’ hal? Un sta piò in pi?» —

— «Ah mi vendicherò! Questa l’ è bela
Insolentirmi! Porchi, av n’ adarí!
Che questa volta poi vi do querela!» —