Sonetti romagnoli/Coppa Florio

[ 143 ]

COPPA FLORIO

Agli automobil pu, sgnora Marietta,
Che me ai ho vest al cors, agli è una bleza
Ch’ al sfulmina piò fort d’ una saietta,
D’ una pala da sciopp, d’ una scur....,

Mo cosa disla, sila banadetta,
E’ vapor? Mo ch’ vapor! L’ è una sciucheza!
Cun è bon gnanca d’ fei una p....
A dscoria sciett? Am spieghi cun ciareza?

Qui i’ è spetacol! Quegli agli è emuzion
Ch’ al gela e’ sang dal ven nenca a un cazazz
Nó sta’ l corsi vigliachi nostri d’ non.

Basta ch’ ai dega sol che mè e Tugnazz
A s’ incantessom coma du c....
Che lò e’ biastmeva e mè a rugieva c....!