Lingvo internacia tante hastas anuncar la « eksiĝoj el la Delegacio », ke ol anuncas mem kelki, quin ni ne ja ricevis! O la redaktisti havas la doto di profeteso, o to pruvas, quante spontana esas ta demisi! Plue, li pulsas la komplezo til preskriptar a la delegiti la formulo, quan li devas votigar de la Societi demisonta : quale se ta delegiti esus infanti, di qui on direktas la manuo, o marioneti, di qui on tiras la fili. Kompreneble, la sama revuo zorge tacas pri la reformema o liberala decidi di kelka Esperantista grupi, pri l’ adhero di altri a la Delegitaro, e c. Tala esas la maniero, per qua la « centra organo » informas la Esperantisti!
La sola interesanta (por ni adminime) artikli, quin publikigis Lingvo internacia en lasta monati, esas ti di So Paul Boulet pri la neologismi di Dro Bein en sa traduko di La Faraono (sept. 1907, marto, junio 1908), t. e. la vorti, quin ne kontenas la Radikaro di So Cart. Ni ne volas dicar, ke ni aprobas principe la skolastikal metodo di la konservemi, qui pie rekoltas omna neologismi en la verki di la Maestro e di sa precipua dicipli, ed aceptante li sen kritiko, kredas tale richigar la linguo. Tala kolekto di nuva vorti devas konsideresar simple quale materyo kritikenda. Sed kande ol aplikesas a bonega e talentoza autoro, quale So Bein, ol furnisas necese interesanta rezultaji. Ni recensas sube la neologismi kolektita da So Boulet, e komparas li a nia vortaro; ni neglijos la vorti specala e quaze teknikala, quale faraono, obelisko, papiruso, e c.
La sequanta vorti existas anke (ecepte la chanjo di ortografio e di gramatikala finalo) en ES. : adapti, aforismo, agronomio, alarmo, amuleto, aneksi, antagonismo, apliki, arĥitekto (vice EP. arhitekturisto), asisti (vice EP. ĉeesti), asketo, astrologo, aŭdienco, aŭtomato, bandito, barbaro, bastardo, bazalto, breĉo, dekokto, ekonomo, eliksiro, enciklopedio, fanatiko (pro quo ne fanatik-ulo?), hektaro, heroldo (ES. heraldo), hidraŭliko, horoskopo, huragano (ES. uragano), incenso (vice EP. bonodorfumo!), inflamo (vice EP. brulumo), inkrusti, intendanto, invadi, kabalo, kapitalo, kariero, katakombo, katarakto (vice EP. akvofalo), kategorio, kilometro, komploti, konto, korupti, kredito, krizalido, lukti, lupeno, megero (e ne megerino, quale en germana vortolibro, nam on ne parolas pri vira megero!), meridiano, miraklo (vice EP. mirindaĵo), mozaiko, nektaro, nodo, normo, orgio, paniko, plastika, pompo, portiko, provoki (vice EP. elvoki), sarkasmo, sarkofago, silueto, skandi, skolo, socio, spasmo, statistiko, tabureto, talismano, templo, teritorio (ni dicas : teritoryo), tiaro, togo, transversa, tuniko, unika (vice EP. ununura!), verando, verdikto[1].
So Bein uzas oazo, ni : oaziso; kontre, li dicas jaspiso, e ni jaspo; il dicas kedro e ni cedro; seno e ni sino; oponi e ni opozar (komp. propozar, impozar, expozar, e c.; l’ analogio e la derivaji « impozas »
- ↑ To esas 80 radiki ek 133, quin ni notis.
