1908, la membri di la Hithergreen Esperanto Grupo, pos expozo e diskuto di la questiono di la reformi en Esperanto,
Konsiderante :
ke la Esperantisti devas esar tre gratudoza a la Delegitaro por adopto di Linguo internaciona ed a sa sekretaryi pro lia longa e ciencala labori pri la perfektigo di Esperanto;
ke l’ apliko di la naturala evoluco povas nur enduktar plu e plu Esperanto en la danjeroza voyo di l’ idiotismo e nekomprenebleso, en qua ol esas nun;
ke la longa diskuti aparinta en l’ Esperantista jurnalaro valoris nur por montrar plu bone ke la difekti di la primitiva Esperanto esas nedefensebla, e ke la ciencala ed internaciona principi di la Linguo di la Delegitaro esas neatakebla;
ke la konservemi facis omno posibla por trompar l’ Esperantistaro en la reformala afero;
Decidas unvoce :
I. Chanjar la nomo di la grupo en Lewisham Internaciona Linguo Klubo;
II. Abandonar Esperanto primitiva pro sa malfacileso e nereguleso;
III. Docar e propagadar nur la Linguo Internaciona di la Delegitaro (sistemo Ido);
VI. Sendar a la Delegitaro sa expreso di fido pro sa senpartia laboro;
V. Expresar sa espero, ke pos studyo di la reformo omna liberala Esperantisti adoptos ol. »
Sequas la subskribi di la membri, inter qui: J. W. Baxter, sekr.
N.B. La membri deziras korespondar kun altra samideani.
« Estas dezirinde, ke ĉiuj Esperantistaj oficialaj gazetoj donu plenan kaj senpartian kronikaĵon rilate al ĉiuj aferoj pri kiuj la legantoj, kiel Esperantistoj, rajtiĝas formigi al si opinion ».
Birmingham, 18an de Junio 1908.
La Grupo Esperantista de Castellón (Hispanio) oficiale adheris a la propozo di Sro Michaux pri yurizita Akademio.
Kompreneble, ni publikigas ta du lasta dokumenti nur quale informi; ni nule interpretas li quale manifesti por ES. o mem por reformi generale, sed simple quale signi di veko di libera opiniono che l’ Esperantisti, e di malaprobo di la taktiko di kelka Esperantala jurnali, qui max zorge penis celar la verajo a lia lektanti.
22
