Adopto « principe » ne esas adopto « bloke », ed adopto « sub rezervi » ne esas adopto « sen rezervi ». Nulu havas yuro mutilar od alterar decido qua formacas nedividebla tuto, e qua havas tante plu autoritato, ke ol esis votita unavoce. Ni adjuntas ke la konstanta Komisitaro delegita da la Komitato « por studyar e fixigar la detali di la linguo adoptota » jus publikigis la rezultajo di sa labori sub formo di lernolibri e vortolibri portanta la titolo : « Linguo internaciona di la Delegitaro (sistemo Ido) », e ke ta linguo esas do la rezultajo di la labori e decidi di la Komitato. Se la Société de Physique « ne konsideras su kompetenta » pri linguistikala questioni, to devus esar pro ol motivo plue por adoptar la linguo konformo a la decidi di la kompetenta Komitato, di qua ol aceptis la arbitro e quan sa delegito kontributis elektar.
Ni pregas vu konocigar nia respondo da la Société de Physique, e voluntar aceptar, Sioro, e c.
Per letro datizita de la 17a Junio, ed adresizita a « Sioro Direktanto di la Esperantista Revuo Progreso », la prezidanto di la Societo internaciona di l’ Elektristi (14, rue de Staël, Paris) komunikis a ni la sequanta decidi di l’ administranta Konsilantaro (kunsido de la 27a Mayo 1908) :
« 1e. L’ administranta Komitato di l’ Internaciona Societo di l’ Elektristi, pos la decidi facita da la Delegitaro por elekto di linguo internaciona, deklaras, ke ol konsideras la rolo di ta Delegitaro quale finita.
« 2e. Plue, la Komitato decidas revokar sa rezolvo de 16a Decembro 1903, permisanta a la revuo « Esperanto » (sic!) enskribar sa nomo inter ti di la Societi sub auspici di qui ol publikijas, e notifikigar ca decido a la jurnalo Progreso (sic!), postulante la supreso di la nomo di l’ Internaciona Societo di Elektristi inter ti di la Societi sub auspici di qui ol publikijas ».
Kredeble la Societo intermixas la adhero a la Delegitaro kun la patroneso, quan ol donis e donas a l’ Internacia Scienca Revuo (qua aparas de la 1 Januaro 1904). On vidas per ta exemplo, quon valoras la « auspici » sub qui publikijas la Scienca Revuo.
En sa kunsido de la 19a Mayo, la Komitato di la Societo di la Uni adoptis la rezolvo sequanta :
« Ante plura yari, la Societo di la Uni delegis un ek sa membri por riprezentar ol en la Delegitaro por a. d. l. h. i. Pro ke ta membro
