hukumat̕koa, hukum pạtiạu cet̕ale lạgit̕. Ale cetjon ńelte aleren Asa mạńjhi do kul leka bạiriye teṅgoyena ale upạrte; ale baṅ um ocoale reaṅ. Ar raṅgao sạtente ạḍi bạṛic̕ bạṛic̕ hirkhạ parkhae ruhet̕ket̕lea Umenapre menkhan, ekalte noa ato khoniń laga ńirpea. Ińren nije hopon Durgạ hõ iskulreye umente oṛak̕te hõ bạń hec̕ ocoae kana; bape baḍaeyet̕a? Arhõ ape umok̕pe menet̕a, laga ńir utarpeạń.
104. Menkhan enre hõ ale do uniak̕ adop roṛte bale pạclena. Eae ke eae oṛak̕ge mit̕ dhaotele umena Papa tite Pạdṛi sahebko rakak̕pen amdaj tesar sermarele umena. Umen taenom Papa do iń ar Pero do hapṛam kạmireye bahalket̕lińa; galmaraoat̕linae, Ma nitok̕ do aben hõ Isor khon cet̕ leka dayaben ńam akat̕, onkage nitok̕ do aben hõ abenren peṛa paṛbhạko, ńepel oprom hoṛko ar joto hoṛko ṭhenge Isor katha lại jạhirben. Aliń do Khuṛiapahar buru hana sae kolkalińa, iń do Telgapaṛa atote ar Pero do Kusbạ atote. Aliń do ontere kạmi kạmite Isor Baba dayate pe atoren hoṛkoak̕ mon ạcurena, Telgapaṛa, Kusbạ ar Naranpurren.
105. Ado noko monko ạcuret̕ khan un ok̕ nenḍa dinre Bengạḍiạteliń idiket̕koa; ado Papae umket̕koa. Ado nonka leka Isor dayate buru paromre hõ Isorak̕ itạ omonok̕ ehop̕ena ar ạliń do onterege kạmi idi akaeliń tahẽyana. Ado nonka porcar porcarte Isor raj do pasnao idiyena Baṅgla disom ar Mor parom Bagjobḍha dhạbic̕. Ado Baṅgla disom motore do pạhil do Aludoha, Lakṛapahaṛi, Bagjobḍha,