hanan dinhíh sa ato ug sa ilah. Makita sa mga
magbabasáh didtoh sa itaas ang mga labing masabúg nga gamiton.
Hangtud ang mga partikuláh managlain: hangtud pa gayúd kadtong may pagkasamag panagway (ka-, -i, di-, ka-an) lain úg mga kahulugan kay sa ato.
Tungúd niining tanán si Mr.Crawfurd nagtooh nga kitáh ug ang mga Malayo dili sakup sa usáh ka dilan-ong banay.
Dili igo, mat úd pa niyah, nga sanglit dunah man kitáy ubay-ubáyng mga pulung nga Malayo, isipon na kitáh nga Malayo úg pinulungan. Ang Ininglés bitaw daghan mag Latín, apán bisan pa niana dili siyah sakup sa" mga pinulungang Latino: hinonoah sa Sahón. Ang Kinatsilá usáb dunay daghang Arabé, apán bisan pa upúd niana, ang Kinatsilá dili sakup sa Arabé, hinonoah sa mga Latino.
¿Nganoh man?-kay ang mga mahinungdanong lagda sa paghan-ay ug pagbagay sa mga pulung sa Ininglés nagsubáy man sa mga Pinulungang Sahón, ug walá sa Latín. Nganoh man?-kay ang maóng mga mahinungdanong lagda sa Kinatsilá tuah man magsunúd sa Pinulungang Latín, ug walá sa Arabé.
Kiníng mga huna-huna ni Mr. Crawfurd mahimong isalikway nato. May kagawasán kitáh sa dili pagsunúd kaniyah. Apán kinahanglan nga dunah kitáy bug-at nga katarungan. Labináh kon atong hinumdumán nga ang maóng ginooh misulát ning iyang mga huna-huna tapus ang kapín sa 40 ka tuig niyang tinoón.
Kanáng mga pulung Malayo nga igkita dinhíh sa ato, maeksplikár ug iyang gieksplikár pinaagih sa patigayon ug sa pagpuyú sa mga Malayo dinhíh sa ato. Dili ikahibulung nga kitáh midawat gikan kanilah úg daghang mga pulung: samah ugúd nga kitáh misagúp úg daghan pa gayúd nga mga pulung gikan sa mga Katsila.
Apán niay dili ikalimúd nga kamatuuran. Ang atong paagih sa paghan-ay ug pagpandugtong sa mga pulung nga naah magsukád sa lintunganay gayúd sa atong pinulungan-lahí sa paagih sa mga Malayo. Kiníh nagpilit kana-
