ang kan-on; gikaón ang kan-on sa iríng".
27. Samah sa ato, diriyút ra ang ilang atstrakto, apán naghinobrah ang konkreto.
Kon sublion ta pagtoón kadtóng ,mga kasamahan sa Malayo ug Bisayá, nga nahimutáng sa itaas, atong makita nga siláh daghan; apán diriyút day mahinungdanon. Aniah ang may bug-at nga bilíh: ang tagurha ka silaba nga lintunganay, ang pagkawaláy tataw nga pagkabahin sa ilang kapulungnan, ang mga numeró, ang pagkawaláy "inflexions", ug ang mga puligngalan nga personal. Apán bahin ning ulahíh, si Mr. Grawfurd (o.c.,p.cxiii) nagtooh nga ang mga Malayo ug Habanís maóy miulus gikan kanato niadtong mga puligngalanah. Ang ilang "kita ug kami" dili tukma úg kagamitan sa ato. Kiníng kasamahanah kadungagan niadtong tolóh kun unúm ka gatús ka pulung dihá sa listah sa itaas, ug pinasikad kanilah matimbangtimbang ta ang atong pagkasilingan kanilah.
Dili daghan ug dili kaayoh bug-at. Batok kanilah naay daghan ug dagku nga kalainan. Niah: Ang ilang duhá ka konsonante dili mahimoh nga magsunud, gawás kon kalangan úg bokál. Ang ato mahimoh. Ang ilang mga berbo dinhá kun suhd sa ilang panagway walá magpailáh sa mga panahón. Kiníh lahí gayúd sa ato, kay dunah man kitáy ilhanan sa panahón. Sanglit ang berbo importante kaayong bahin sa mga pinulungan—gitawág ganig "berbo" kay siyáh man ang "pulung" labíng mahinungdanon suhd sa usáh ka orasyón,—kiníng kahitntangah nagpakita sa kalayó sa distansya sa ílah ug sa ato nga pinulungan.
Ang sinubli sa ilahah lahí dihá sa kahulugan ug kagamitan kay sa atoah: Dakú usáb kiníng ilhanan nga ang ilah dili sulud sa atong banay sa kapulungnan.
Ang mga "preposisyón" nga gitagaag dakúng bilíh ni Mr. Crawfurd dinhá sa paghukúm bahin sa kagikanan sa nagkalainlaing mga dila,—dili managsamah ang kadag-
