| Ul. XI | - bahin sa mga sinubli: "nana...., nanga....."; bahin sa pagkapotensyál sa "maka_"; | |||
| Ul. XII | - bahin usáb sa pagkapotensyal sa "ka....an"; | |||
| UL. XIII | - ang mahinungdanong kalainan sa: "ma....,_an, i, ih, on, ah"; | |||
| UL. XVIII | - ang Inpinitibo ug ang Abstrakto; | |||
| UL. XX | - bahin sa mga kabalhinan sa paningog. |
Mga bungah siláh sa hinay nga pagtoón, apán sanglit kitáh mahuyang ug masalaypon mag salabutan, nagpabilin gihapon ang usah ka mapaubsanong duhaduhah. Kiníh maóy hinungdan, nganoh nga siláh kinahanglang. usisahon.
Siláh nag-ablig dalan alang sa ubán, ug nag-agdah sa lain nga nasayud na kanilah, sa pagdason pagtoón ug pagtugkad, kon kiníh mahimoh, sa matuud nilang kahulugan.
Kon tinuud man ugaling kanang akong mga katarungan ug katin-awan, nagkinahanglan kitáh sa pag-usáb, sa pagbag-oh sa atong mga gramatiká ug hangtud sa atong mga diksyonaryo; kay siláng mga daan tang mga gramatiká ug diksyonaryo makita man unyá nga nagsandig sa sukaranan sa lain, daw nagsul-ob sa dili iyang. sapút. Busah maorág naghalhal.
Salamat sa Ginooh, gitun-an na dinhíh ang kadaghanan sa atong mga iglalanggikit. Hinaut pa untá nga kanáng bungah sa kabús kong panlimbasug dili makawang ang tanán. Ikalipay ko hinoon nga siláh siksikon, usisahon pag-ayoh sa atong mga manggialamon.
Kadtóng kap-atán ka iglalanggikit nga punuan, nga nahimutang didtoh sa Uluhan X, labináh gayúd ang walóh nilah ka dagkung matang, angay sa usáh ka mahinay ug makugihong pagtoón. Ang kadaghanan kanilah igkita usáb sa ubang pinulungan natong Pilipinhon. Ang may igong kahibalóh makahimoh pagtandi sa ilang kahulugan ug kagamitan dinhá sa nagkalainlaing pinulu-
