kasamahan nga naah maggikán sa suúd gayúd nga
paagih sa atong mga panghuna-huna. Niadtong mga bahin
nga ang ilah ug ang ato managsamah, mahimoh nga
awaton ang ilah. Ug nganong dili? Apán sanglit may
mga pinulungan man nga labipáng duúl sa ato, - kiníh
siláh angayán gayúd nga labipáng tun-an nato kay
niadtong ilahah sa mga Oropanhon.
¿Unsah kining mga dilaah nga labing duúl sa ato?- Ang Ebreyo, ang Arabé, ug ang nagkalainlaing mga sangáh sa Malayo. Kiníh siláh angayán gayúd nga tun-an sa atong mga makinaadmanon. Ang pipiláh ka kasamahan dinhá sa Ebreyo ug sa atoah, nga gisulayán ko paghisgut didtoḥ sa nag-unang mga uluhan makatabang paghatag dyutayng kahayag alang sa buút mosulát sa atong gramatiká ug diksyonaryo.
Alang ning buhatah kinahanglang dili kalimtan kadtóng duhá ka dakúng lagda sa Dilang Ebreyo ug sa ato; nga maóh ang mahitungúd sa duhá ka panahón ug sa matawág tang principio subjetivo bahin sa pag-iláh nato nianang gihisgután nang Perpekto ug Imperpekto. Ug usáb nagkinahanglag maayong pagtoón ang gisugyut ko mahitungúd sa totolóh nato ka parts of speech ug sa totolóh ka mga kaso nato.
Sanglit ang atong Dila Madinugtongdugtong man, ang hingpit nga kasayuran mahitungúd sa matuud nga kahulugan sa atong mga iglalanggikit, gikinahanglan gayúd alang sa tuman nga pagsabút kaniyah. Busah may dakú untá nga lunáng igahín alang sa mga iglalanggikit dinhá sa atong mga gramatiká ug diksyonaryo; luná diín hisgután ang lintunganayng kahulugan sa tagsatagsah kanilah, ug ingón man ang paagih sa pagdugtong kanilah.
Mapuslanon usáb alang ning buhatah, labináh sa gramatiká ang mga gihisgután didtoh sa:
- Uluhan II - bahin sa kasamahan sa Ebreyo ug Bisayá;
- Ul. IV - bahin sa Asento ug sa katapusan "H";
- Ul. VII - bahin sa atong paaggamit sa "UO";
