p. 85: "Ang Igdudugtong: sum, es, etc. dili ipahayag o dili gamiton: Eleh tolidóth-kiníh siláh ang mga kagikanan o kaagih, gadól Yahweh-dakú si Yahweh o ang Ginooh; apán usahay ang berbo hayah maoy nakitang pulih kaniyah (sa sum o maóh.)."
Ug ang mga Bisayá dili pud tiggamit sa ilang "maóh". Kamatuuran, dihá sa duhá ka panig-ingnan ni Pari Zapletal, sa itaas, walá pud nako gamitah ang "maóh"; ug nagtooh akóh nga siláh maayong Binisaya. Lahí ang Ininglés; siláh ingnon: "These are the generations; the Lord is great;"-diin gigamit ang "are, is" sa ilang berbo "to be".
Niay laing panig-ingnan sa Binisayá: "Siyah kawatán, si Pedro tawoh, ang duwa tahúm, ang tubig init." Samah sa Ebreyo, dili igkita diha ang berbo "maóh". Hinonoah, dili na mamaayong Binisayá kon kiníh gamiton. Apán sa Ininglés kinahanglan ngá gamiton ang berbo "to be"; kay daw salikwaút kon siyah biyaan.
Ug maóy ubús ko nga pagtooh nga kanang unang duhá ka panig-ingnan dili mahubad sa tuman ngadtoh sa Ininglés; kay ang: "He is a thief, the thief; Pedro is a man, the man"-dili man husto. Ang Binisaya walá man magdaláh sa tugbang sa "a, the". Ug maoráh mag salikwaút ang: "He is thief, Pedro is man". Bantayíh nga ang "man" dinhíh nombre, dili adhetibo. Samarah, bakikaw ang pag-ingón: "Mill is stone, that is book".
Mga Pulung nga Agid-agid
Ug kining kasamahanah igkita dili lamang dihá sa mga lagda sa pagtagik, kongdili usáb hangtud sa mga pulung. Niay diriyút nga panig-ingnan:
Dagáh, mga isda; ug ang atong dagat, puy-anág mga isda. Ang rikid nilah (Ps. XXVIII.6) sibo gayúd sa ikid. nagpasabút úg usáh ka dagway sa pagluksoh. Shebet, pagpuyú: ug ang atong sibít, igdadapát sa puy-anán. Siláh dunay 'aih nga maóh ang atong hain, haih; pananglitan: "Aih Shimshon-¿haih si Samsón?"
