tanáng katahá hangtud ang aninoh, - ilang gibuhat kadtong
giasoy nga mga kalihokan.
Ang labing duúl sa "past participle" sa Ininglés ug sa "supino” sa Linatín maóh ang atong mga pulung nga kinal-angan sa "...in....". Siyáh anhá ibutáng unah sa dugukang nagsugud úg bokál, sunúd sa unang konsonante kon ugaling ang dugukan nagsugud úg konsonante. Ex. gr.: "inadtoh, inampo, inurug, inuyug; binuhat, dinapat, tinugon".
Ang "in" nagpailáh sa kahumanan, sa gisangputan sa usáh ka lihok. Busah ang "inadtoh" nagpasabút sa kahumanan sa pag-adtoh; "inampo", sa kahimoan sa pag-ampo; "inurug", sa kahimoan sa pag-urug; "inuyug", sa humanah mauyug; "binuhat", sa gisangputan sa pag- buhat; "dinapat", sa gisangputan sa pagdapat; ug "tinugon", sa gisangputan sa pagtugon.
Maingón nga ang "past participle" may pagkaadhetibo, ingón usáb ang atong ....in...". Busah makaingón kitáh: "sapút nga tinina; baláy nga inuyug; papel nga ginisi; ug butáng tinugon." Ug sanglit ang "in" mah man sa supino sa Linatín, mahimoh usáb siyáng gamiton ingóg nombre o sustantibo. Ex.gr.: "Ang binuhat kinahanglang mosugút sa Magbubuhat; ang inadtoh na, dili na usbon pagpahibalóh; ang tinugon nimoh niah na dinhih sa ato."
May lain pa gayúd nga dagway ang "in", nga sibo gihapon sa supino sa Linatín. Niay mga panigingnan: pinangitaan, binuhatan, tinawgan, tinindugan, tinukuran. Siláh nagpailáh sa natad o sa butáng dinhá kang kansah makita ang sangputanan sa pagpangita, sa pagbuhat, sa pagtawág, sa pagtindug, sa pagtukud; o sa dapít diín humanáh himoah ang pagpangita, ang pagbuhat, ang pagtawag, ang pagtindug, ug ang pagtukud. Ug kon butangág asento ang katapusang silabá, síláh nagpasabút
