Kasaysayan han Klingon Wikipedia

This page is a translated version of the page History of the Klingon Wikipedia and the translation is 92% complete.

Outdated translations are marked like this.

Usa nga Klingon nga yinaknan nga edisyon han Wikipedia ginhimo dida han Hunyo 2004 ngan permanente nga gintrangkahan dida han Agosto 2005. Nagpapabilin ini ha editable nga porma offsite ha klingon.fandom.com.

Desisyon nga maghimo

An Klingon Wikipedia ginhimo dida han panahon nga may-ada explosive nga pagtubo han mga Wikipedia ha dirudilain nga yinaknan han kalibutan. An mga kriterya para han paghimo hin mga bag-o nga yinaknan nga edisyon han Wikipedia hadto diri maupay an kahulogan ngan gutiay la an proseso nga ginhimo para han pagdeterminar kun ano nga mga hangyo an pag-aaksyonan. Ini gihapon an panahon nga gintutukod an iba nga mga bugto nga proyekto, sugad han Commons, Wikisource (hadto Proyekto Sourceberg) ngan Wikinews.

Mga problema

An pag-eksister han Klingon nga proyekto in nagbabahin-bahin ngan nagdara hin mga nakagamot nga mga debate mahitungod hin katadungan ngan pagkapareho ha iba nga mga yinaknan, ngan partikular ha iba nga mga gintukod nga mga yinaknan. Mayda pipira ka dosena nga gintukod nga yinaknan nga mayda pareho nga makusog nga kaso para han pag-eksister hin usa nga Wikipedia, depende han mga suruklan nga ginagamit.

Lakip han mga problema amo an pag-eksister hin mga sumpay han interwiki tikang han panguna nga pakli ngan iba pa nga mga artikulo, nga gin-abat han iba nga mga Wikipedista nga naibanan an hitsura han proyekto nga iskolar. Ha urhi, an mga sumpay han interwiki tikang ha iba nga mga yinaknan ngadto ha Klingon ginhulog, maiha na ugsa an Klingon nga Wikipedia kandadohan.

An proyekto waray gud makadani hin komunidad, ha bahin tungod kay an himo-himo nga gintikangan han yinaknan nangangahulogan nga waray tinuod nga mga mamumulong nga naeksister nga makakahimo hin komunidad. Nalimitahan an trabaho tungod han kamatuoran nga sarado ngan diri kompleto an bokabularyo han Klingon, salit waray paagi ha paghisgot hin damu nga importante nga mga topiko nga waray mga circumlocutions. Mayda padayon nga paghisgot han kabubuwason han proyekto ha Meta, ha mga listahan han surat, ngan durante han mga katitirok han board.

Pagtrangka

Han Agosto 2005, Jimbo Wales naghimo hin desisyon nga trangkahan an Klingon nga Wiki hin permanente. Samtang hi Jimbo waray gud magpahayag hin publiko han iya eksakto nga rason para han pagsara han wiki, an pag-maturing han Wikipedia ngan han iya mga bugto nga proyekto ha kabug-usan ngadto hin usa nga importante nga rekurso ha bug-os nga kalibutan nangangahulogan nga gutiay la an insentibo ha pagtipig hin niche nga yinaknan nga diri gintuyo nga gamiton hin seryoso.

Kitaa liwat

Mga kasarigan