Se mi fudess in stat de comanda

Se mi fudess in stat de comanda,
vorev auch sui bosij mettegh impresa:
giacchè sen dis sossenn in tucc i cà,
perfina in di palazz, perfina in gesa
Mettend ogni bosia a ona parpoœura,
el stantarav on ragionatt di bon
la somma per un ona a portagh fœura,
perchè la montarav a tanc milion!

Non ai buoi d'oro, che sfruttano il suo ingegno:

Non neghi d'avègh dent del gust anmì;
e, quand me ven de la pocondria addoss,
quatter rimm a mè moeud me fan guari,
e me rallegri el coeur con vojà el goss.

Ma, quand et savarà che gh'hoo el mè fin
de schivà col no seriv pu d'on affann,
anch el sur cont dirà che Meneghin
in quest chì l'ha reson a brazz de pann.

Gh'è di sciori in Milan de prima riga
che vouren copià anch for de quell che foo;
mi, giontandegh la carta e la fadiga,
foo la copia ben prest e ghe la doo.

Credaravel!... Squas tutt gh' han sto brutt vizi,
com' han avnu i mee rimm, de stà sul sò;
e, se ghe cerchi a lor on quej servizi,
gh'han cinquanta pretest per dimm de no;

Ma quell che me someja anch pussee grev
l'è che no poss parlagh e me fan di
che ghe rincress de no podemm ricev;
e se gl'è quej palpee, de lassall li.

Mi ghe direv adree roba de fœeugh,
e, sarev pront a barattagh el nomm;..
ma me daraven tort in pu d'on lœugh
domà per la reson de vess poer omm!

No poss gnanch fa la mia vendetta in quest
de lassaj senza rimm anch quand en faga,...
chè ponn avej al mè despece ben prest,
nè mi poss impedi che vun ghi daga.

Doo la copia a on amis, la doo a on parent,
ma questa a fann parice la serv de meder,
ché van poœù in man a tutta sort de gent,
fina a chi vend i pomm in sul Ponveder.

E quest me porta on olter gran desgust;
che tane copi sen fa cont on spettacol
de paroll dent che no van minga giust;
e, intant, press a chi legg, mi pari on bacol!

Non a

. . . . . . . . . quij fals amis,
che me vedeven già tant volentera:
e, adess ch'han la fortuna, el ghe duis
de giontagh tropp del sò se me fan ciera.

On di sul Bastion vun n'incontrè
in caroccia con sott duu bej polleder;
mi, con bocca rident, el saludė,
e lu bassè on poo el coo ma minga el veder.

Stant la missizia antiga, el me pariva
che questa fuss ona tropp granda inginria,
e intant che in sto penser el coo bujva
sont cors a mett giò rimm de tutta furia.

Ghe fè giust quell retratt che se conven
a on omm pien d'ambizione senza amor
in vers de eli gh' aveva faa del ben
prima però ch' el deventass on scior.

Gl'hoo ditt de regordass de quell che l'eva
quindes o vint agn fa, per fagh capi
che l'eva on pover omm, e ch'el viveva
con quell magher mestee che fava anmì.