malo karakterizita per ula marko). Semblas a me, ke la sufixo ne konvenas por kozi, e ke « proprajo » (Eigenschaft) sugestas la formaco di vorti ek adjektivi (Eigenschaftswörter). » (Ta rimarko semblas tre justa.)
« P. 55. pekulo (persono havanta peko) ne semblas bona; me dicus simple : pekanto (o pekinto). » Tre justa : la sufixo ul konvenas nur a nomala radiki, ne a verbala : e pro to ni preske nulkaze aplikis ol a verbi. Por fortigar la expresuro, on povas dicar anke : pekoza.
P. 64. « Quala opiniono vu havas pri nia nuva urbestro » esas imprimeroro vice « Quala opinionon ». Yes, e same, en la lineo 1, « quala formo havas tua chapelo » vice « quala formon » Sed ta exempli ipsa montras, quante l’ akuzativo esas malmulte utila mem en kazo di « inversigo ».
P. 74. « Il tremis pro malvarmo ». Kredeble la lasta vorto devus esar « malvarmeso ». Yes, prefere, quankam « malvarmo » ne povas esar dusenca.
L’ autoro finas sa letro tale : « La justeso postulas, ke me adjuntez a ca formala kritiki la expreso di mea aprobo por la generala plano e spirito di la verko di So Nötzli. Ol esas tre bone adaptita a la skopo, quan l’ autoro propozis ad su ».
A ta rimarki ni devas adjuntar kelka altri, debata a membro di la konstanta Komisitaro :
P. 20, on devas supresar la nomo di Esperanto.
P. 70. « Il forlasis me cirke la sisesma horo » ne esas konforma a la regulo donita p. 62 : on devus dicar : « cirke sis hori ».
P. 73 : lineo : « me prendos » eroro, vice prenos.
Ni dankas pro ta rimarki, qui emendas nia unesma lernolibro, en qua esis tre malfacila evitar tute tala eroreti.
So L. E. Meier indikas a ni la sequanta emendi a nia germana Guidlibreto, pri qui ni dankas il tre sincere :
Aplikar : anwenden, prefere kam auflegen, qua esas nur specala senco.
Astonar : in Erstaunen setzen, in Verwunderung setzen, Wunder nehmen, ne : bewundern, qua esas : admirar.
Cesar : aufhören, enden, ne : beenden (finar).
Chagrenar : sich grämen (ne : sich greuen).
Dementiar : in Abrede stellen, widerrufen, ne : verleugnen, qua esas : malagnoskar.
Marchandar : markten, feilschen, ne : dingen, qua esas : engajar (EP. dungi).
