XV.
PEMANDANGANNJA KHONG TJOE TENTANG MENDJALANKEN WET HOEKOEM.
Dalem fatsal VII ada ditoetoerken bagimana keras Khong Tjoe telah lakoeken kawadjibannja koetika memangkoe djabatan Hakim Besar di Lu (Louw-kok) h ngga ia tida bersangsi aken tangkep dan hoekoem mati pada satoe Minister jang ternjata telah mengganggoe kaämanan negri dan memeres rahajat.
Tapi ini kakerasan dari Khong Tjoe boekan ber dasar dari iapoenja watek atawa tabeat, hanja lantaran terpaksa aken menoeloeng rahajat dan membikin tentremnja negri. Khong Tjoe sendiri ada berhati lêmês dan berkasihan, seperti bisa diboektiken dari tjonto-tjonto di bawah ini :
Koetika berada di negri Chen (Tin-kok) Khong Tjoe dapet taoe bahoea pada tiga panglima perang, jang telah lakoeken perboeatan jang membikin moerkanja radja, telah didjatohken hoekoeman mati oleh itoe radja sakedar aken poeasken kagoesarannja. Khong Tjoe lantes mengadep pada Baginda Radja Tin. aken goenanja itoe tiga ponggawa jang terhoekoem. Ia bitjara pandjang-lebar aken peringetken bagimana ka wadjibannja saorang radja, bagimana besar harganja kahidoepan dari manoesia, hingga satoe radja tida ada hak aken poetoesken orang poenja kahidoepan sakedar boeat memoeasken nafsoe hati sendiri. Dalem segala perkara itoe oendang-oedang haroes terdjoengdjoeng tinggi, dan tjoemah wet negri sendiri sadja mempoenjai hak aken menghoekoem, kaioe orang poenja kasalahan telah terboekti dengen sah.
Tadinja itoe radja dengerken bitjaranja Khong Tjoe dengen koerang senang, tapi sasoedah memikir lebih djaoe ia lantes bebasken itoe tiga ponggawa
73
