4 ana, ar goḍa 2 ana lagaok̕a, dosar serma khôn do pura lagaok̕a. Ado noako reaṅ Kerap saheb doe lại bujhạuat̕lea, ado ale hõle khusiyena.
51. Ado niạko galmaraokate Campbell saheb do Kerap sahebe metadea, Delabon nitok̕ do Koloni reaṅ simạń bandhao ạcurapea. Ado okoekope calak̕ kana ńel lạgit̕? Ado hoṛ doko menkeťa, Okoe baṅ calak̕? Pargana desmạńjhigekin calak̕a, nukinak̕ge tho disom do hoyok̕tạkina, ạkingekin ńel ạcurtạkina. Tobe ạlińge arhõ bar hoṛliń soṅge torawana, ado ale pon hoṛ mit̕ hạtire ar sahebtekin hoṛo hoṛo mimit̕ goṭen hạtire, ado simạ ńelle mohnḍayena; Baonae gada aṛe aṛete Boṛobadhatele calaoena; ado oṇde do sahebtekin ạḍi ghạṛic̕kin galmarao kana, simạna reaṅge.
52. Campbell saheb do Kerap sahebe metae kana. Tinạk̕ sạṅgiń dhạbic̕ simạń bandhaoapea, tinạk̕ gan hoṛem ạgu daṛeakoa? Kerap saheb doe men ruạṛadea, Jãhãtin maraṅgem emale unạk̕ge porjań ạgukoa: ona perej reaṅ do alom bhabnak̕a. Am do emalem se. Ado galmarao baṛakate ekkalte soṛok soṛokte Gosãegãotele calacena? Ente Baonae gaḍa aṛe aṛete gajaṛ iạte calak̕ reak̕ johge hạnuk̕. Ado onḍe Gosãegão dhạbic̕ Koloni simạ bandhao reaṅkin toj bij baṛaketa; menkhan onḍe do bir koca iạte bakin muńjurlena.