Boehako noa disomre ạḍipe harkethok̕ kana, onte, notepe chir chạturok̕ kana, ar Isor khon hõpe adok̕ kana, ado apeak̕ harkhet saset ńelte ar Isor khon hõpe adok̕ kan ńelte ạḍitet̕ mãyã ar bhabnale bujhạuet̕a; ado apeak̕ bhạlạiok̕ ńutumte ạsulok̕ lạgit̕ ạḍi bhage disomle khoṛo ńam akawat̕pea.
6. Assam disomre bogete hamesa jumi menak̕a; jãhãege jãhã tinạk̕pe si daṛeak̕ okoe hõ bako rec̕pea, ar okoe hõ bako dabaopea; ar jãhãnak̕ge khoroc jạuṛabon, joto Sorkar khonbon ńama. Ar unregeye lạiat̕lea, baṅma, Ape Hoṛ hopon motore jãhãnak̕ge gulmal hoyok̕tape, ona do ape apetegepe galamaro juta, hạkim ṭhen calak̕ do baṅ hoyok̕tapea.
7. Eken khun kharap, kombṛo bokṛo, ona do hạkimko ńela; arhõ hạkimko soṅgeń bondobos akawat̕pea, baṅma, Ape Hoṛ hoponko reaṅ sedae jug reaṅ ạri lekate pargana, desmạńjhi ar mạńjhiạk̕ko tahentapea, ar onkoge boge bạṛic̕ jotoko juṭapea; ar onako kạmi reaṅ hõ hạkimko muńjur akat̕a, ar onako kạmi ńutumte hạkimko do pargana, desmạńjhi ar mạńjhiạk̕ko mõṛẽ bighạkate mạn jumiko emapea.
8. Ado Kerap saheb do ale boehako noako reaṅe lại bujhạuat̕le khan, ado aleko hõle bupujhạu baṛayena en kathae, Tinạk̕ noa disomre reṅgec̕tebon tahena, se okoe do jumi bạṛi hõ bạnuk̕tabona, ar okoe do orok̕ko hõ bạnuk̕kotabona, tobe bhagege guruk̕ko ạsulok̕ disomko ciạ akwat̕bona; delobon calak̕gea. Adole hõ hũket̕ khan Kerap saheb do