hõ Soetan do biḍaureye ńur ocokedea ar sesre mison gobol khon chuḍar oḍokkedete jiwet̕ jonome ac̕ gobol utạr ocokedea. Noa iạte Papa do ạḍi maraṅ bhabnae ńamket̕a, ente mit̕ṭaṅ ńam bhiḍiye at̕kedea.
140. Arhõ Papateko do Chondorpura ar Mohulpahaṛire mison bandhaoko ehop̕ena, ar onakore pạhil do hapṛamkoko dohob idilet̕koa, pạri pạrite porcar lạgit̕; ado bại bạite msion phaelao idik̕ lekate Papateko do arhõ Bilạt khon kạmi goṛoako lạgit̕ arhõ barea pạdṛi sahebko ạguket̕kinạ, mit̕ do Pale saheb ar mit̕ do Berg saheb, ar uniren do mem saheb hõe tahẽkana, ar onko do Benagạḍiạre thoṛ athurṛi roṛ cet̕ ńõk̕kate Pale shaeb do Chondoropurạteko kolkdedea, ar Berg shaebtekin do nawa mison bandhao lạgit̕ Baṅgla Hạripurte, menkhan ḍher din dhạbic̕ do bako kami didi daṛeat̕a; arhõ Bilạt disomtegeko ruạṛ calaoena.
141. Ado Papateko do tayomte do Bunckholdt saheb Chondorpuṛa Misonte doko kolkedea; ar uni ạḍi kurumuṭu ar lolo monte lolo setoṅ, jarge jạput̕ sahao lahaokate hoṛ hoponko bańcaok̕ ńutumte sopok̕ roḍok̕e daṛan kan tahẽkana, ar uni do Papa leka ạḍitet̕ dulạṛ ar mãyãwane tahẽkana, uni hõ reṅgec̕ orec̕ko ạḍiye goṛoat̕koa; ar sạu mahajon ṭhen hạunḍi ocokateko lạlis ocolenko hõ hạkim ṭhen dhạbic̕e tegṅolena oarko lạgit̕, ar ạḍi hoṛe dok̕ bańcao akat̕koa, ar hạuniḍikate jumi bhornako hõe rec̕ ruạṛkat̕t̕akoa; ar sạu mahajon ṭhen rin