124. Ar ona oktere do Nankaṛen hoṛ ar mạnjhi parganako ar eṭak̕ eṭak̕ disomren hoṛ ar mạńjhi parganako hõ um hoṛ upạrte ạḍitet̕ko bạiriyena, aḍiko acibicok̕ ar ạḍiko hirkhạwale kan tahẽkana, kaje bhojere hõ mit̕ pantere bako duṛup̕ ocoale kan tahẽkana, dak̕ hõ mit̕ ghaṭre do bako lo ocoat̕lea, se seṅgel koere hõ maejiuko racate baṅko bolo ocoakoa, okaṭka khongeko em daramakoa ar adom adomko do seṅgel parjat baṅko lại se baṅko emok̕ kan tahẽkana, se cun thamakur hõ baṅko emale kan tahẽkana, ar ale joṭet̕ak̕ do baṅtet̕geko jomet̕ tahẽkana, unạk̕ dhạbic̕ko hirkhawale kan tahẽkana, ar emanteak̕ bis bakhanko ruhet̕et̕le tahẽ̱kana.
125. Ado boṅga hoṛko um hoṛ upạrte nonka lekako acibicok̕ kan, arko hirkhạwale kan, noa hõ Kerap saheb do ạḍi buddhikateye pheraoket̕koa; ona oktere Kerap sahebren Hoṛ hoponko reak̕ hapṛam katharen guru, Kolean haṛam do jạt biṭolrẹye paṛaoena; ado unre Kolean haṛam do mone ạcukret̕teye um ocoyena; ado Kerap saheb do Kolean haṛamko biṭolere do ạḍi sạṅgiń sạṅgińren mạńjhiạk̕ko ar parganakoe maṅgaoket̕koa, ar koṛakoak̕ oṛak̕ ṭhenak̕ iń joton bańcaolet̕ sńjo buṭạre dorbarle duṛup̕ena; ar Kolean haṛamle biṭolkedea.
126. Ado Kerap saheb doe menket̕a, Tobe ado Kolean haṛam do babon jom jạtiyea? Nitok̕ mabon