Belparta Mahamuda, Bagjobḍhateko calaoena; ado onten joto hoṛ Papa doe umket̕koa ar ạḍiye khusi rạskạ ocoket̕koa. Ar onako ato aḍe pase thoṛa sạṅgiń ńok̕re Thopa Ameren mõṛẽ turui oṛak̕ hoṛ monko ạcurket̕a; onko cet̕ako lạgit̕ do Unup haṛame kolkedea ar onko hõ Papa do unregeye umket̕koa, ar Unup haṛamge onko girjạ idiako lạgit̕ ar cet̕ idiako lạgit̕e tahẽyena, Sibu do Bagjobḍha sc̕ren hoṛko girjạ ar cet̕ idiako lạgit̕e tahẽyana.
108. Ar Tilạbạni atore Papa do Bisạm haṛame dohokedea, ar onḍenko do bara bạri leka hoṛ monko ạcurket̕a, ar onko motoren Rạmu haṛam ar uniren hopon Jeskan, Nukạ ar hoponerako hõ ạḍi sojhe hoṛko ṭahẽkana; noko do mucạt̕ dhạbic̕ko ṭarhaolengea, Noko do Bagjobḍharenko taenomko um akana. Ado Papateko do saphor mokońkate pe pon cando taenom Bengạḍiạteko ruạṛena.
109. Arhõ Isor raj do bạṛti idiyena, nonka lekate, ona oktere mit̕ṭaṅ ṭanok̕ akal hoyena. Joto hoṛo goc̕ cabayente hoṛ do reṅgec̕teko jale thaleyena. Ado Papa do hoṛko reaṅ noa harkhete ńelket̕te ạḍi mayã hec̕adea, ar ạḍiye goṛoat̕lea. Enre hõ unạk̕ disom hoṛ ac̕ eskarte toraoko do ạḍi muskil ar eken mit̕ bar din do baṅ, mit̕ bar serma leka pak̕lao hoyok̕a, ona do ac̕ eskarte sambṛao do aḍitet̕ muskil.
101. Ado Papa do Hoṛ hoponreye mãyãyente hạimkoe baḍae ocokoet̕koa, jemon noa reṅgec̕re