95. Ar Mamateko Bilạt ạuriko calak̕rege Hargeṭ
saheb ar Musṭun sahebtekinkin hec̕lena. Menkhan
oka sec̕ khonkin hec̕lena, ona do bale baḍae kana,
ar okoekin laha taenoma, ona reaṅ ṭhik utạr disạ
do ban hijuḱ kana. Musṭon saheb do mahajoni
karbar mente kom sudte rinte ṭakae baisạuale kan
tahẽkana; menkhan iń ańjom akaťa, ạḍi ṭaka ḍubạuentaea. Ar Hargeț saheb do Papa goṛoae lạgiť
ar koṛakoren gupiyic̕e tahẽkana, ado bana hoṛtege
Papakin goṛoae kan tahẽkana.
96. Ado Phạgu, Bạjạl ar jotoko hapṛam kạmi reko bahalen taenom noko do ạḍiteť kurumuțu ar lolo monte Isor raj reaṅ kạmireko lạgiạ̃ paṛaoena. Ado bại bạite Isor raj Nankarre pasnao idiyena ar ḍher atoren hoṛ monko ạcurkeťa, metak̕me, Kurundaren ato sudhạ leka ar Ghoţokren, Belbuni, Bạṅkijoṛ, Thạkrạntola, Hatbạri, Cirạpathor ar Gamhar. pahaṛi atoren Sibuteko. Ado nonka leka porcar idite ḍher hoṛ mon ạcur idiko ehop̕ena. Umen taenom noko hõ akoren gidrạ iskulte ak̕derko ehop̕ena, nonka lekate iskul hõ bạṛtige jomkao idik̕ ehop̕ena ar girjạ hõ jomkao idik̕ ehop̕ena.
97. Ar Hargeț saheb hõ abo misonreye tahẽkan bhor do ạḍi kurumuṭu ar aḍitet̕ lolo monteye kạmi kan tahẽkana, ar ạḍi ãṭkate din dine daṛan kan tahẽkana. Ar daṛanre jãhãrege takre jähãnak̕geye ńam, baṅ do reaṛ dak̕ mạnḍi, bạṅ do jonḍra dak̕ mạnḍi, onageye jomet̕ tahẽkana. Ar mit̕ dhao