8. Hul ạurire do Benagaḍiạre Durgạ ar Mạtṛuge ạkin ńutumrege pạurạ godamkin khulạu ocolet̕a, ar mit̕ṭaṅ sunḍi guti dohokate ạkin oṛak̕rege pạurạkin ouạ ocoyett̕ tahẽkana. Ona okte onko do ạḍi kisạṛko tahẽkana, hoṛo caole, mĩhũ merom jotoge, ar unkin do mit̕ matalgekin tahen kan tahẽkana, orak̕rege paurạkin cuạ ocoet̕ tahẽkante. Jãhãe peṛa se ńepel oprom hoṛko hec̕len khan bhag-tekin emakoa, ar jãhãe galmarao ocoḱ hoṛko hećlen khan, thoṛa dos ńamle khangekin ḍanḍomkoa, ar onḍegeko ńũia; Ona oktere unkin do mit̕ hạkim se raj dawakin tahẽ- kana, enkan khun mokordoma hõkin pacaoet̕ tahẽ- kana; unkin upạrte botorte okoe mạńjhi se parganage bako cũc̕ daṛeak̕ kan tahẽkana.
Nonka leka ublạ ḍubla ńũ bulok̕te sesre unkin do aema abgari khajna ṭakakin bakiena. Ar ona baki khajna karonte Mạtṛu pargana do Borhompurteko sap̕ idiledea, ar ona ṭaka ạuri em dhạbić hajotreko bhoraledea, ado ac̕ boehako kaḍa ḍaṅgra ạkrińkate ṭaka juṛạukateko chaḍao agukedea. Un khon onko do- ko hạrsuṛ ńok̕ena, ar pạurạ dokan hõkin bạgi utạrket́a.
4. Ona oktere Nankarṛe ạḍi orjon hoyok̕ kan tahẽkana. Hoṛo, jonḍra. bajṛa, janhe, iṛi, gundli, tuṛi, tilmin, raheṛ, ghaṅgra, hoṛec̕, rambṛa emanteak̕ jotoak̕ge ạḍi hoyok̕ kan tahẽkana. Birre hõ ạḍi rokom phol ḍol ar ạḍi rokom aṛak̕ sakam tahẽkana.