ho iskulteko aderket̕koa. Ona okterege Ṭhạkrạnṭolaren Ạnpi, Rano, Saṅkhi ar eṭak̕ko, Lacho, Dulhạn, Mohi ar ińren miserań Aladi, nokoko iskulteko boloyena; noko do koe do apat ṭuạr, ar okoe do eṅgat ṭuạrko tahẽkana.
81. Ado nonka lekatege koṛa iskulre hõ bin damte Pạdṛi sahebko cecet̕ kan, ar jotoak̕ge ńamok̕ kan ańjomte adom adom koṛa do eṅga apa begor lạite akoak̕ sanatege cet̕joṅko boloyena. Pạhilten boloyen koṛako do Sirạm, Jagot, Rạghu, Kạru, Masaṅ, Lal, Sunạ, Durge, Phạgu, Nimại, Birsiń, Hindu, Maṅgat ar Mańjdhiri Chitrạgạḍi Siṅgrại, ar uni juri Bãskhandri Pạnḍu.
82. Ado noko koṛako ar kuṛiko besko cet̕joṅ kan ar bhage bhage sapha kicric̕ko horok̕ bandek̕ kan, ar okoak̕ hoṛmo cehra hõ pherao idik̕ kan ńelte rạskạte eṅga apa begor lạite akotegeko bolok̕ kan tahẽkana. Okoe okoe koṛa se kuṛi do ako akoren jãwãeko reaṅ ruhet̕ ạṛiste ar adom adomko do akoren bạhuko reaṅ khijlạute, ar adom adomko do eṅga apa reaṅ ruhet̕ ạṛiste usạt̕kate, akotege iskulre bolok̕ko ehop̕ena; nonka lkeate bại bạite iskul do jomkao idik ehop̕ena.
83. Ado koṛako ar kuṛiko olok̕ pṛhao cet̕joṅte ar Isor reak̕ katha ańjom ańjomte koṛako motore pe hoṛak̕ mon do acurena. Pạhil mon ạcurenko do Sirạm, Jogot ar Rạghu, ar nokoge abo misonren