75. Ado Papa ar Kerap sahebteko do sạmṭi umṭi jotoko uṭhạu hec̕ena Benagạḍiate, ar unre Hji bạbu hõko ạgu darakedea koṛakoren cecet̕ic̕ mente, ar uni do pạhil khonge um hoṛe tahẽkana.
76. Adoko hec̕ mohńjamen khan, thoṛa din tayomte Papteko do Uṛisa disom Midnipur mison khon ponea um kuṛiko ạguket̕koa, barea do deko kuṛi ar beare do Hoṛ kuṛi; iskul kuṛiko gạhiko menkate; kuṛiko ạguket̕ko khan iskul ehob reaṅko roṛ saḍeket̕a. Ar ona okterege Sirạm do Sikạr Barha disom khon olok̕ paṛhaok̕ cet̕joṅ mente disom dãṛã dãṛate Benagạḍiạteye chaṭa hec̕ena; arhõ ou okterege Benagạḍiare pạdṛi sahebko berel akana ańjomte Deoghar sec̕ khon, gidṛa pidrạwante Dhano, Rạmjit ar Rạghu, pe boeha; arhõ oenkoren gusṭige mit̕ Rạmjit, arhõ onkoren peṛage Balea ar Surại unkin bar boeha, ar unkinren joto gharońj sudhạ, arhõ nonka lekatege eṭak̕ eṭak̕ sen khon hõ Hạtiạ haṛam, Unup ar Bisạmteko hõ era hoponante nalhajoṅ lekate Benagạḍiateko hec̕ena, ar Papateko ṭhengeko nalha ạsulok̕ kan tahẽkana.
77. Ado Papateko do kuṛikoko ạguket̕ko khan, onko kurikoante ạḍi kurumuṭu, dulạṛ ar lolo monte ato ato Isor Baba reaṅ jvi bańcao katha lại pasnaoko ehop̕ena. Jãhã atoko calak̕a, onḍe do pạhil do sereńko ehoba, ar ona ańjomte atoren herel maejiu, gidrạ pidrạ jotko jarwak̕a; un jokhan do Papa, Kerap saheb ar Mamteko do Hoṛ pạrsi do bako
5