ạńben baṛe. Ado nonka leka katha repec̕ repec̕tege Papa do jidkate chamḍae tear ocoket̕a. Onakate oṛak̕ benao reaṅ hõ Papae metat̕kina, Nonḍeorạk̕iń bengaogea. Ona lekate ac̕ak̕ jidtege oṛak̕ jokkha hõe ehobok̕ kan ńelte Naran mạṅjhiteko raj ṭhenko calaoena arko lạiadea. Oka khon coṅ Saheb hopone hec̕ akana ar aleak̕ kulhi mucạt̕regeye ḍera akana, ar uṭhạuk̕le metae kana; bae calak̕ kana, ar ac̕ak̕ sanatege oṛak̕e jokhayet̕a; barone kanale, menkhane menet̕a, Iń do bạń uṭhạuk̕a, jãhã lekańepe, enhõ iń do nonḍe oṛak̕iń benaogea. Nonkae roṛet̕a. Ma ado apege jãhãlekate uni saheb hopon do uṭhạu got̕kaepe.
70. Ado raj jumidar hec̕kate Papako metadea, Nonḍe do oṛak̕ alom benaoa, porja hoṛ baṅko kusik̕ kana. Ado Papa do raj jumidare galmaraoat̕koa, Ma porja hoṛ do bujhạuakope, jemon oṛak̕ko benao ocoạń. Adoko men ruạṛadea, Porja jokhon bako kusik̕ kana, ale do cekate tahen se oṛak̕ benaole hukum daṛeama; ma jãhãrege ńeljoṅme.
71. Ado Papa do rajko sen hõ ar pargana mạńjhiạk̕ko sen hõ t kic̕ kathae ńamket̕ khan, Sihuṛiteye ruạṛ calaoena ar noako reaṅ galmaraokate Papa ar Kerap do Kolkata khon, mạraṅ maraṅ hoṛko khon Benagạḍiạre tahen reaṅ, rajko ńutumte pare̱anakin ńamkeda, jemon rajko ona pare̱ana ńelte ṭhạ̃iko aṛak̕akin. Ado Papatekin do tahen reaṅ hukum parwanawante mit̕ hapta gan tayom Benagạḍiạtekin hec̕ rnạṛena. Ado hec̕kate Paptekin do raj jumidarkin maṅgaoket̕koa.