(24)
Noako do unikinak bakhra, metak̕me, mit̕ khạsi reak̕ do adha bhag jel do ạkingekin hameṭ cabaea ar ja haḍa goḍa sarec̕ak̕ do mõṛẽ hoṛak̕: Ar cakladar reaṅ do bar joṛoń ńama, mit̕ do são joṛo ar mit̕ do cakladar ńutumte. Ar onḍe bohok̕ jel ar im boroko tekele khan ạuri isinok̕ khonge, metak̕me, nasenak̕ run ńok̕ akan khange Naran mańjhi doe mena, Den ya ạguạlińpe, cakhalegeliń, buluṅko ada akana se baṅa? Adoko menle khan Hape baba, mit̕ ghaṛi ạuri isinok̕a, Naran mạńjhi doe men goda, ape do bape baḍaea aṛak̕ sakamge mãyãmana, jel do baṅ mãyãmana, den lo ạguipe tho Adoko cekaea, isin akanre hõ baṅre hõko lo napoṛ at̕kinge, jobcko haṛtawakina tobe anec̕kin khạtirok̕a. Ạḍitet̕ matal ar ạditet̕ lebṛakin tahẽkana, ḍhertet̕ do Naran mạńjhige jel ńutum ańjom se ńelle khange merel merel jel jom sanayeạ ar uli dak̕ do ṭoṛok̕ ṭoṛok̕ jorok̕taea.
56. Hoṛko hõ ạḍiko boroạkin kan tahẽkana; ạḍi ãṭtekin phuḍrạuk̕a. ạḍi ạ̃ṭkin adopa, mit̕ doroga lekakin aodayet̕ tahẽkana. Birren dhạcri kul leka kin hạnḍrạuk̕ kan tahẽkana. Nonka lekate ạḍi hoṛkin lipuk̕ ạrkin eṛe mojako arkin posṛa maṅgalet̕ko tahẽkante ạḍikin suk bhoget̕ tahẽkana; ạuri pạdṛi saheb Benagạḍiạteko rakap̕ dhạbic̕kin eṛe mojayet̕ko tahẽkana. Benagạḍiare Pạdṛi saheb rakap̕kate hõ Naran mạńjhi do ńũ bulkate bar pe choṭ Kerap saheb ṭhen senkateye metae kan tahẽ-