(21)
49. Ado sahab do noako katha ańjomkateye metadińa, Bogege, capṛasiń emam kana, idiyem ar amren kaḍa hat capṛakinme ar unkin kaḍate ar Bhũyạ̃te iń ṭhen hijuk̕pe. Ado caprasiante senkate kaḍań haṭ capṛaket̕kina, Ado caprasi do Bhũyạ̃i metadea, Amte ar kạḍate delabon saheb ṭhen, Adole calaoena. Ado saheb do Bhũyạ̃i kulikedea, Nukin kaḍa do okarem ńam akaťkina? Bhũyạ̃i menket̕a. Mit̕ hoṛ theniń kiriń akaťkiną. Sahebe metadea, Hẽ hoṛren kaḍa kangeakin; nitok̕ do kisạ̃ṛtet̕e oḍokena, ma emkạkintaeme. Ado Bhũyạ̃ hõ khulạsateye aṛak̕kat̕kina.
50. Ado iń do aḍitet̕ rạskạkate aleren kaḍa oṛak̕ten laga idikeťkina; ado ale oṛak̕ren sanamko engạń ạpuń, dadań jotoko kaḍa ńelte ạḍitet̕ko bhaṛoyena ar ạḍitet̕ko rạskạyena. Adoko kulikidińa, Ayogo okarem ńamket̕kintabon? Ado cet̕ lekateń ńam ket̕kiną, ona reaṅ hal biboron oṛe oṛpat̕iń lạiatkoa; ado ańjomkate ạḍitet̕ko rạskạyena ar unkin kaḍa ńamkeťkinte aḍitet̕ upkạr hoyentalea; ekalte casko ehop̕ket̕talea ar ale eae hoṛ do soṛok kamiregele tahẽyena, jomak̕ jogao lạgit̕ ar nalha nalhate mit̕ bar orok̕ko juṛaujoṅ lạgit̕. Ado nonka nonkate mit̕ bar orok̕kole juṛauante jotokote casle nandhaoena.
51. Ar Hal taenomre hõ pạhil tahẽkatale hudạ panḍa, cakladar, kuḍạm-naekele ńam ruạṛket̕talea, ar pạhilak mạn jumiko hõ jotole ńam ruạṛket̕talea Ado nonka leka cas idite hại bạite reṅgec̕ dole