Naranpur jarpa sendrabon calak̕a, Ado Naranpur jarpa sendra ạurile calak̕rege palṭon phạd do Naran purreko hec̕ tear akan tahẽkana. Bodhal Dekoakk̕ dolan coṭ koṭhareko tãṛãk akan tahẽkana; ona do lahare bale baḍae kan tahẽkana.
28. Ado nenḓa din hilok̕ Sam Subạ do phąd jujạukate ale sene hec̕ena, ar ale notenko hõ onko ńeltele oḍokena; ado ṭamak ḑubu ḍubu ṛuite ar sakwa tutu tutu oroṅkate Naranpur bajarte jarpa sendrale calaoena; luṭ luṭ idite Boḍhal dolanle tiok̕ket̕a. Ona dolan do pạcrite eset̕ ạcur tahẽkana, ar joto duạrko kupaṭ eset̕ akat̕ tahẽkana; ado kapaṭ reput̕kate dolan bhitrite bolokate luṭa mente Subạ do guhriạ ṭamake ru ocoket̕a, jemon joto phạdko jarwak̕. Ado ru ańjomkate joto phạdko jarwayena dolan bṛehaete.
24, Unre mit̕ṭaṅ deko do dolan pheḑ reak̕ pukhrire jivi bańcao botorte kewate dak̕reye bolo akana, ar hoṛ aloko ńel ńamea mente bohok̕re dale lade akawan tahẽkana, menkhan okoe hoṛ coṅko ńel ńamkedeteko men got̕keda; Hạniya dak̕re sukriye jobe akan! Ado andha dhũnd bhageteko tuńkedea, tuń goc̕kedeako dayage. Subạ Ṭhạkur doe hukumeket̕a, Ma kapaṭ do titi rapudpe; pạcri duạr ṭhenge hapṛak̕ hapṛak̕ dhiri tahẽkana, ado tiń rạpudko chuṭạuena. Ar Sam Subạ do rumkate ar tarwaṛe boc̕kate dolan beṛhateye ńir ạourok̕ kana; Ado mit̕ṭaṅ palṭon do coṭ dolan reak̕ khiṛki bhugak̕ khon Subạ Ṭhạkure ṭhu gitic̕dkedea; uniye guren