o. c., p. 53, matulun-anon: "Ang Dilang Ebreyo sa tinuuray
walay nagkalainlaing dagway alang sa mga pana-
hóng presente, miagih ug umaabut, kongdili hinoon ang
kalihokan gipailáh lamang nga nabuhat na o nga gibuhat
pa; ang unang paágih gitawag perpekto, ug ang
ikaduhá imperpekto.....
"Ang Imperpekto nagpasabút: (1) sa umaabut, nga o sa tinuud umaabut,-kun sa mahimong mahitabó sa umaabut, kun dihá ba sa pagsugu;-(2) sa presente, ug tinuud arón pagpailáh sa mga kalihokan ug ubán pang nagpanglungtad pa,-sa mga kalihokang naandan pagbalikbalik (3) sa miagih, ug tinuud arón pagpasabút sa mga kalihokang milungtad kaniadtoh, -ug sa naandan pagbalikbalik."
Dasonan ko kanáng mga pulung ni Pari Zapletál ning pahayag ni Pari Boylan, ang iniláng propesór sa nabantug nga "Maynooth College" sa Irlanda, The Psalms, vol. I, Introd. XXVIII-XXIX:
"Ang mahan-ayong kagamitan sa mga berbo sa Ebreyo lahí gayúd sa mahan-ayong pangdagway sa Griyego, labináh bahin sa mga panahón. Dihá sa Ebreyo sa Biblya ―kutub ug ingón sa nakita-may duhá ka mapanahonong pangdagway, ang gitawag perpekto ug imperpekto (kun puturo). Sa pagkatinuud; dihá sa perpekto ug imperpektong inebreyo, walá ipahayag ang panahón nga gihitaboán sa kalihokan sa berbo, hinonoah ang grado gayúd sa kahumanan sa maóng kalihokan. Busah ang duhá, ang perpekto ug ang imperpekto, mahimong mahitukma sa panahong miagih, karón o umaabut, sumala lang ugúd sa ilang mahimoh pagpahayag: kon ang kalihokan nahumán na ba, kun ginahimoh pa ba hinoon karón, sa miagih o sa umaabut. Ang katukmaang panahonhon walá masulud sa paaging pinintok dihá inebreyong pangdagway sa berbo, apán siyah sa kasagaran katapahán o mailáh gikan sa mga pulung kasikbit kun kakuyug nga nagpahayag sa hitabó sa kalihokan. Sa ingón niana, dihá sa paghubad sa mga pulung Ebre-
