agudo, ug sa "italics" kun hinandag alang sa mga bokál
kansang paningog nakalít pagkaputól; ang gingón nang mga
bokál nga guturál. Ang ubáng mga bokál nga samag paningog sa Kinatsilá, gipatik sa titik nga romanhon, ingón man.
ang mga konsonante.
Kining paagihah nakasulbad sa duhá ka kalisdanan sa itaas. Sa usáh ka bahin siyah tin-aw ug sayón. Matarung usáb ang hukúm ning bantugang Pari nga usaray asento sa Binisaya, ang agudo.
Apán dili praktikó. Maayoh lang sa diksyonaryo ug sa gramatiká,—ug kiníh maoráh usáb ang tuyu sa nagpaurug. Malisúd ang pagsunud kaniyah sa kamút; ambút úg unsaon paglaíg sulát sa hinandag ug sa romanhon. Ang mga makinilya upúd walá ning duruhá ka bolok sa mga titik. Busah dili praktikó, kay dili man magamit sa kadaghanan ug sa masubsub. Labut pa, walá tagdah dinhíh ang ikatolóng kalisdanan. Busah dili maayong sagupón.
Ang Totolóh ka Asento
May mga tawoh kaniadtoh sa panahón sa mga Katsila nga migamit sa totolóh ka asento. Ug kon walá akóh masayúp siláh gigamit usáb sa atong Instituto sa Pinulungang Nasudnon. Sa way duhaduhah daghan ug katahaán ang iyang mga dumadapíg. Busah inubanág pagtahud ug pagpanokóh susihon ta kining paagihah.
Sumala sa mga tagtukud nga Griyego ug sa kadaghanang nanggamit kanilah, ang asento agudo (') nagpailáh sa pagpataás sa tingog, ang grabe (`) sa pagpaubús, ug ang sirkumpleho (^) sa pagpataás ug pagpaubús sa maóng tingog sa pinadugay kun pinaluray nga silabá o bokál. (Tungúd sa kakulang sa mga bokál nga nagdaláh sa mga asento grabe ug sirkumpleho, kining mga bokalah among gisulát ning paagihah:
ang grabe-sa titik nga pinahandag;
ang sirkumpleho-sa titik nga ilúm.)
Ug dinhíh sa Binisayá síyáh gigamit ning mosunud nga
paagih: “wala" nga butáng, "walá” nga kamút “pala". Ang
