samah sa ato. May dyutay hinoong kalainan bahin sa
"k". Daghan pud silág mga titik kay sa ato. Niah ang
walá sa ato: ch,d, j, t, ñ.
2. Unúm ang ilang bokál, tolóh ang ato. Samah ang ilah sa Kinatsilá, gawás sa "a" nga maagid-agid sa "u". Apán samah sa ato niarong mga adlawah, lubúg ang kalainan sa ilang "e, i" ug "o, u". Sa Habanís tin-aw silág kalainan.
3. May duhá siláh ka diptonggo, ang: "ai, au". Ang "ai" duúl kaayoh sa "e", ug busah masabúg nga ilisdan niinih.
4. Ang kadaghanan sa ilang pulung lintunganay tag 2 ka silabá; may diriyút nga tag 3, ug labih pa gayúd nga diriyút ang tag 4.
5. Way duhá ka konsonanteng magkasunud nga walay nagkal-ang nga bokál, gawás kon ang usáh kanilah likidó o nasál. Lahí sa ato; kay dunah kitáy: puspus, pusdak, lublub.
6. Ang kadaghanan sa ilang mga asento adtoh sa dayon na sa katapusang silabá. Lahí gihapon sa ato ug sa Ebreyo nga daw ang katungá kun dili man gani ang naglabih tuah sa katapusan.
7. Samah sa ato, wala siláy tin-aw nga kalainan sa berbo, ngalan, ug ubán pa; ni may "inflexions" siláh.
8. Apán bahin sa panahón, may dakú gayúd nga kalainan ang ato ug ang ilah. Kitáh, samah sa Ebreyo, dunay duhá; siláh walá. Ang mga adberbyo lamang maóy magtoltol sa kalainan sa panahón dinhá sa ilah; kitáh, hinonoah, cunay mga iglalanggikit nga magpailáh niana.
9. Nagkalain usáb. Ang ilang mga sinubli nagpailáh nga daghan ang gihisgután. Ex.gr.: "raja-raja”—mga punuan. Ang atong: kawo-kawo, itoy-itoy, hari-hari; - lain gayúd úg kahulugan.
10. Kiníh importante. Ang ilang mga "preposisyon" lain sa ato ang kadaghanan. Aniah: di, - on, at, in, sa Ininglés - dihá, dinhíh sa ato ?
