Si Ginooh Isidro Abád, iniláng Sugbuanon nga sakup sa Instituto sa Pinulungang Nasudnon, dihá sa iyang usáh ka sinulát (Curiosidades Linguísticas) nga nahimantala sa "Ang Lungsud", ning syudad, dili pa dugay karón,- mihisgut nga usáh ka lagda sa mga pinulungan sa Oropa, nga walá lamang panumbalingah sa Binisayá maóh ang mahitungúd sa mga intransitivo, reflexivo ug deponente. Kiníh ugúd siláng mga berbohah, sa kasagaran dili man mapasiboh, ug kitáng mga Bisayá may pasiboh man nianang mga berbohah.
Gikasubú ko nga ang iniláng magsusulat igo man lamang mipahayag sa hitabó ug mihisgut nga maduhaduhaon sa usáh ka huna-huna ni Dr. Cecilio Lopez mahitungúd sa kinaiyah sa mga berbo sa mga pinulungang pilipinhon ug sa mga tagah Sidlakán. Matúd pa konóh sa bantugang magsusulat nga Tagalog nga nga ang mga berbo nato sa pagkatinuud mga "cuasi berbos" ra lamang.
Apán ang gikasub-an lagih nako maóh nga igo lang kining gisultih ni G. Abád sa walay pagpopasabút ug sa paghataghatag úg katin-awan úg unsah may mga "cuasi berbos" ug unsah may kalabutan niinih ug niadtong mga pasiboh nato sa mga “intransitivo, reflexivo ug deponente" sa mga Oropanhon. Walá pud mopahayag si G. Abád, nganong nahitabó man kiníh dinhíh sa ato.
¿Nganoh man nga ang berbong intransitibo dili man mahimoh nga pasibohon? Sa pag-ingón kog "intransitibo" lakip na dihá ang "deponente ug repleksibo" kay maoráh ang ilang katarungan bahin ning aktiboh ug pasi- boh. Si Propesór Meiklejohn (The English Language, p. 37) miingón; "Ang usah ka Berbong Intransitibo, sanglit dili man makabatóg obheto direkto, dili mahimong gamiton sa paaging pasiboh. Apán, ingón sa ato nang nakita, makahimoh kitáh nga ang usáh ka intransitibo ma-
