tong. Niay mga panig-ingnan:
- "bugtaw' — nga daw (a) bug (an) taw.
- "busaúg" — (u)bús sa sawúg.
- "butho" — (a)but (gu)ho.
- "butyag" — lung(ag) (o)káb.
- "bugtaw' — puspus dakdak.
- "lungkab" — abút yagyag.
- "pusdak" — puspus kagay.
- "sakgaw" — sakut agaw, kun sakmit agaw.
- "sagunting" — samag gunting.
- "sagabay" — sagad abáy.
- "saphig" — sapóh kahig.
- "sugyut" — sugu dyutay.
Dinhá sa itaas makita nato ang lainlaing paagih sa pagpangdugtong. Dunay mga unang silabáng gidugtong, dunay mga ulahíh, dunay unah ug ulahing silabá nga gisumpay, dunay tibuúk nga pulung nga gipataptag usáh ka silabá sa laing pulung. Pulús siláh mga karaan; way bag-oh dinhá kanilah. Busah karaan na diáy kanáng urugah.
Ug kon gihimoh na kaná siyah sa atong mga katigulangan, nganong dili man nato karón himoon? Oóh, himoon ta; apán ngá ipasubay ta siyáh kanunay sa mga dagkung lagda sa atong pinulungan, ug ngá sa kanunay naah untá siyah sa kasarangan. Kay ang pagpatuyang úg gamá makapailáh usahay sa tawong tapulán, nga dili buút magbudlay pagpangita sa niah na nato nga daan; o makapasabút ba hinoon sa kakulang sa inandam nga kahibalóh alang sa mahan-ayong pagsusih dinhá sa atong kapulungnan niadong matuud nga gamút bahin sa hunahunang buút ipadayág.
Ang "tanlag", pananglitan, maóy gigamá sa ubán nga tugbang o hubad konóh sa konsyensya. Ug ang konsyensya sa Kinatsilá ug sa Linatín dunay duhá ka dakúng kahulugan.(1) Ang gahúm dinhíh kanato nga makapahimoh nga kitáh mamasayud sa kalihokan sa atong kalág (konsyensya sikolohiká) Pananglit, akóh nasayud nga karón, karón akóh nagsulát. (2) Ang hukúm sa atong katarungan bahin sa atong nabuhat na, maayoh ba siyáh kun daután,
