Gitawág "adberbyo" ang pulung nga maghatag úg pangbolok sa usáh ka berbo; o sa usáh ka maghihiyas ingón sa adhetibo, laing adberbyo, ug mga pulung sibo kanilah. Siyáh gikan sa "ad-verbum", nga sa ato pa, "ngadtoh sa berbo."
Sanglit ang kalihokan sa usáh ka berbo ug ang ka- himtang gipanghiyas mahitabó man dihá (1) sa usáh ka butang o dapít, (2) suhd sa panahón, ug (3) pinaagih niinih o niadtoh nga pagkahimoh,-ang mga adberbyo mabahin sa totolóh: (1) ang sa mga dapit, (2) sa panahon, ug (3) sa paagih.
Dunah kitay mga adberbyo sa dapít, ex.gr.: "dinhíh, dinhá, didtoh; asah, hain, diín". Dunah upúd kitáy sa panahon, ingón sa: “karón, ugmá, damlag, unyá." Apán walá kitáy tinuud nga adberbyo sa paagih; ang atong gigamit nga sibo kanilah, mga dagway sa berbo. Ex.gr.: "kinalít, dinali, pag-ayoh, kusúg. Pag-ayoh dinhág tindug; pagbuhat pag-ayoh; kusúg úg dagan, dagan úg kusúg.”
Kon atong susihon kiníng mga panig-ingnanah, atong mailáh nga dunah kitáy mga adberbyo nga nakaambit sa mga pulung dugukan; ingón sa mga adberbyo sa paagih. Ug may mga nakaambit sa mga igkukuyug; samah sa mga adberbyo sa dapit ug sa panahón. Apán kiníh usáb siláh mahimong mga dugukan. Ex.gr.: "Nahadiindiin silág dagan; iasah kaná ninyoh; giugma-ugma lang akóh nimoh; madinhih kun madidloh, dili magsapayán kanako.” Sulayíh konóh ang where, when sa Ininglés, -kon mahimoh ba siláng gamitong berbo. Kining kahimtangah sa atong mga adberbyo makahatag nato úg laing katarungan, nganoh nga dili nato sundon ang binahinán sa mga Oropanhon, dinhá sa ilang parts of speech. ¿Hain man ang adberbyo
