mahitungúd sa "haiy"; pasagdan ta lang siyah karón; ang buút ko pabantayán maóh kanáng paggamit nato sa "grado positivo" sa mga adhetibo: "dakú, maayoh". Ang mga Oropanhon ugúd ning higayonah mogamit man nianang ilang giingón nga "grado comparativo". Busah siláh mang-ingón: "Which is larger---, which is better---;" ó "cuál es mayor---, cuál es mejór;” ó majus, melius" ináy sa: "large, good; grande, bueno; magnum, bonum."
Tingalig moingón lang dayon ang ubán: "Wa man gud kitáy gramatiká; gipatakaan lang nag sultih". Makatarunganon kun dili kining hukumah; nagtirapasagad kitág sultih kun walá;---ang matuud maóh nga kining nakasambol sa mga matáh sa ubán, nakahatag gayúd úg katin-awan ning dyutayng kalisdanan dihá sa Biblya.
May mga karaan kaayong Bibly ang ginigriyego nga dihá sa Lukas V. 39 (nga gihubad ngadtoh sa Ininglés úg: "The old is better");-migamit sa chrestós (grado positibo: maayoh, mapuslanon), ug ang ubán sa chrestóteros. (grado komparatibo: labing maayoh, labing mapuslanan). Dapig ning ulahíh ang "Itala" ug ang “Vulgata". Ang iniláng makinaadmanong Pari Fonck, S. J., dihá sa nabantug niyang "Parables of the Gospel”, p. 242, miingón: "Chrestós, sayóh tingaling giusáb, pinasubay sa konteksto, ngadtoh sa chrestóteros, ug sa melius dihá sa Bulgata." Dinhíh, siyáh may paghilig ngadto sa pagtooh nga ang pulung orihinál o sinugdan maóh ang positibong “chrestós (maayoh, mapuslanon), ug nga unyá giusáb ngadtoh sa komparatibong chrestóteros (labing maayoh, labing mapuslanon). Pag-usáb nga naah lamang sa dagway, apán dili sa kahulugan.
Kiníng pag-usabah gipasandig sa gramatiká sa mga Oropanhon. Tungúd lagíh nga may pagtangdi man, ang dagway nga gamiton maóh usáb ang nagpailáh sa katandian kun komparasyón; busah ang dagwayng matandion diha sa mga hubad: "melius, mejór, better". Su-
