Ang mga pulung nato nga sinubli, ingón pananglit sa “tolo-tolo, tawotawoh", mapunduk sa duhá sumala sa ilah karóng mga kahulugan. (1) Ang mga nagpasabút sa binalik nga lihok, ug (2) ang nanagkahulugag may pagkasamah, apán nga dyutay ra ug dili gayúd maóh ang butáng gipailáh sa lunsay nga dugukan.
Sa nahaunáh nahisakup ang: lihoklihok, luksoluksoh, dagandagan, lutawlutaw, hata-hata, waldaswaldas. Sa ikaduhá kiníh siláh: balay-balay o baybayeh, tiiltiil, tadyaw-tadyaw, hagdanhagdan, kawo-kawo, tawotawoh.
¿Hay unang kahulugan nianang duhá? Sa akong bahin, ang nanagpasabút sa binalikbalik nga paglihok. Kay maóh may unang mahimatngonán sa tawoh ang nagalihók, ug awahih na ang mga butang tará o walá maglihok. Kiníh subay sa atong kinaiyah. Labut pa, ang kadaghan subliah ug kaná sa masubsub, malagmit nga ginagmay ang iyang pagkahimoh; ug gikan niana o pinasukád niana mahimong hatagan natog katin-awan ang ikaduháng kahulugan.
Palandongah ang usáh ka "luksoh” nga dakú ug ang "luksoluksoh", ang taas nga "huyád" ug ang "huyadhuyad", ang naggantoóng nga “bawúd" ug ang "bawudbawud";-ug imoh dayon nga makita nga kadtong gibalikbalik pagbuhat, ginagmay da usáb nga pagkabuhat. Ug kiníh subay sa katarungan, kay ang sagonson. moah, malagmit nga gagmay ra, tungúd sa kamaluyahón sa atong kusúg; gagmay bahin sa buntaóg ug sa bilih; kay ang daghan ra kaayoh lagmit usáb nga barato.
Ug kay gamáy ra sa buntaóg ug sa bilíh, ato usáb nga giisip nga dili tumbas sa dagku; ug kay dili tumbas, labíng barút; ug busah lagmit isipon nga dili tinuud, hinonoah maagid-agid lamang. Ug sanglit ang mga butáng tará ug waláy lihok walá man maghupút sa hiyas sa pagkasinublian sa paglihok, kay kaná supak gayúd sa ilang kinaiyah,-siláh nagbatón lamang sa ikaduhá: ang
