walay mailáh nga paningog.
Labáw ang minubú o may paghanda ngadtoh sa pagkaminubú nga Tinagalóg kay sa ingóg kahimtang nga Sinugbuanon. May napulog duhá ang Tinagalóg (nos. 2, 3, 8, 9, 13, 14, 20, 23, 33, 37, 47, 48); ug ang Sinugbuanón upát (nos. 4, 15, 31, 39.)
Dihá may 15 ka "i" ang Tinagalóg nga tugbang sa "o, u" nga Sinugbuanón, ug laing usáh ka "i" nga pulih sa usáh ka "a" sa Binisayá; walá ilakíp dibá ang 22 ka “i” nga naah sa uság usáh. Ang mga ginikanan tingalih nato kaniadtoh may kalibugang paglitók sa "u" nga daw may “o” ug may "i" dihá sa iyang paningog. Kon walá akóh masayup ang mga Aklananon may samang paningog. Gikan ning lubúg nga "u" ang mga Tagalog mihilig ngadtoh sa “i” ug ang mga Sugbuanon ngadtoh sa klaro nga “o”. Ug maóh nga midagsang ang mahait nga "i" dihá sa Tinagalóg, samtang naangay-angay ang "i" ug ang "o, u" sa Sinugbuanon.
Sanglit diriyút ra man ang mga pulung nga nasulud sa listah, dili kitáh makapaniguroh nga eksakto kanáng pag-iháp nga matandion dihá sa tibuúk tang kapulungnan; apán makaablig dalan alang sa mga kugiháng mahigugmaon sa atong mga pinulungan.
Niay laing listah sa samang mga pulung, apán nga nanaglain dihá sa kahulugan. Giunah ang Tinagalóg ug sa atbang ang atong tugbang.
| 1. bangan | — | kamalig | 6. suway | — | sukul |
| bangan | suway | ||||
| 2. bukid | — | baul | 7. itapon | — | ilabay |
| bukid | itapon | ||||
| 3. gamot | — | tambal | 8. tugon | — | tubag |
| gamot | tugon | ||||
| 4. hapag | — | mesa | 9. iurong | — | isibog |
| hapag | iurong | ||||
| 5. inggit | — | sinah | 10. wilih | — | pangga |
| inggit | wilih |
Dili malisúd sabton ang ilang kalainan; ingón pananglit sa "bukid", kay ang mga umáh lagmit adtoh
