This page has been proofread.
नगु धर्मया कथा कनिपिं भिक्षुगनपिं हनं गुनि ज्ञानि पण्डित सर्जन सकल मुनकाओं विहार दयकाओ | थुगु विहारस विज्यानाओ चोनं थनंलि थ्व राजकुलया न्हेओने जुसां चैत्य छग्वल दयकाओ प्रतिष्ठा यानाओ अहो रात्र ब्रत दयकाओ धर्म यानाओ विज्यातं । हनं श्री दीपंकर तथागत पूजा यानाओ बिज्यात । । थ्वगु थायस ग थ्य चोन धालसा मनुष्य अपालं दयाओ मत च्यानाओ तयाथ्य महा जाजोल्यमाननं स्वभायमान जुयाओ। चोन। हनं थ्वम्ह सर्वानंद राजानं पूर्व जन्मस प्रत्येक बुद्ध संघ भिक्षु पनिस्त दान बियाओं हनं जित धुलदा न बियागु पुन्यनं पूर्व जन्मया दान पुन्यया प्रभावनं थुगु जन्मस । स्वर्गस देवराज इन्द्रया अमरावति
