Olezz lontan

Olezz lontan

Sotta al sorris del sô, ai pè del coll,
sul qual biancheggen civettuol casett,
balzen i càper, folleggiand tra i liett
praticèi carich d'olezzant coroll.
Anca el volgar pizz'cagnol el s'estoll
al de sora del mond stupid e grett
al gorghégg delicaa dell'uccellett,
al boff del venticell tiepid e moll.
Riposa in su sto pett on mazz de fior,
che se confond colla toa pell de ràs
miracol de freschezza e de candor.
Te sét lontana, eppur, anima mia,
senti col coeur, coll'anima, col nas,
el profumm del to pett lontan cent mia!