Quickborn/Kedenrim

 Nu hört ihr lieben Leute
    Gestern ist nicht heute,
Heut ist nicht morgen,
    Dat Künfti is verborgen,
Verborgen is dat Künfti,
    Denken is vernünfti,
Vernünfti is dat Denken,
    En Ked hett er Lenken,
Er Lenken hett de Ked,
    Er Haken hett de Red,
De Red hett er Haken,
    De Win wasst an Staken,
An Staken wasst de Win,
    Un de Kraft sitt derin,
Binn sitt de Kraft,
    Un in Hart sitt de Macht,
Un in Hart sitt de Moth,
    Un dat Letzte is de Dod;
Doch alle Enn’ un Anfang is bi Gott.