Resüstaunza: Difference between revisions
Content deleted Content added
No edit summary |
mNo edit summary |
||
| Line 1: | Line 1: | ||
<pages header=1 index="Fluors alpinas.djvu" prev="[[Pentecosta]]" next="[[ |
<pages header=1 index="Fluors alpinas.djvu" prev="[[Pentecosta]]" next="[[Ün esch refüd]]" from=61 to=62 fromsection=2 tosection= /> |
||
[[Category:Gian Fadri Caderas]] |
[[Category:Gian Fadri Caderas]] |
||
Latest revision as of 15:26, 6 March 2012
[ 46 ]
[ 47 ]
Resüstaunza.
Clingian sains hoz »resüstaunza!«
Tres il muond vo quaist resun,
Pêsch portand e dutscha spraunza;
A tuots pövels redenziun.
Clingian sains hoz »resüstaunza!«
Sur las fossas dels amos!
Vusch da vit' in fraida staunza,
Larma pür' als trapassos.
Chanzunetta zuond sublima
Sdasda vita, duna fled;
Aint nel cour da tuots imprima:
Fè concordia, bunted.
Al errant in estra terra
Duna spraunza d'ün »revair«;
Do balsam a chi tres guerra
Co sieus chers nun po pü vair.
Gioda orma l'armonia,
Cha quaist di daresa our,
Fest' ais hoz, la festa tia;
Ais eir Sabbath per te, cour?
1871.